Posted under Tíðindi Posted on december - 27 - 2011 Add Comments

22. desember 2011 var dokumentarfilmurin “Grindabátar á ferð av Vágseiði til Sumbiar” givin út.

Í mai 2010 fóru grindabátarnir í Vági av Vágseiði til Sumbiar. Siglt varð undir Vágs- og Sumbiarbjørgunum. Í Sumba varð farið í kirkju og aftaná bjóðaðu gestablídnir sumbingar súpan og kaffi í Samkomuhúsinum. Seinnapartin fóru grindabátarnir úr Sumba og norður á Vágseiði.

Filmurin er um ferðina av Vágseiði til Sumbiar. Frásøgufólk við á ferðini eru Hans í Líðini úr Vági, sum sigur frá av Vágseiði suður á Lopranseiði, og Eli Poulsen úr Sumba, sum sigur frá á ferðini av Lopranseiði og til Sumbiar.

Umframt ferðina undir Vágs- og Sumbiarbjørgunum, eru eisini upptøkur úr Sumba, m.a. frá kirkjugongdini úr Sumbiarkirkju, har Sumbiarkórið eisini hevði nakrar framførslur.

Eftir døgurða í dag, 22. des., og í morgin, 23. des., fæst filmurin til keyps á Torginum í Vági.

Tað er Dokumentar.fo sum hevur staðið fyri filminum Grindabátar á ferð av Vágseiði til Sumbiar.

Filmurin kostar 189,- kr.

Bíleggið filmin undir “Keyp filmar”.

You must be logged in to post a comment.

Seinastu filmar

Stuðlar

Copyright © 2014 Dokumentar.fo - Endnu en WordPress-blog.
Web site powered by WordPress 3.3 and Dione WordPress theme designed by FabThemes.com.